我一般通常都行路番屋企，但最近SF嘅傍晚都想和我吹吹風，係巴士同30分鐘嘅uphill battle兩者之間，作出決擇並唔難。巴士上除咗會發生巴士阿叔同巴士阿嬸等等大件事之外，其實仲有唔少小事件值得去留意。八掛Observant嘅我自然就會留意到呢D小事。

某日係巴士坐底無幾耐，旁邊嘅少女突然係到自言自語，基於禮貌同我鐘意坐近門口(巴士會坐滿，近門口方便落車)嘅原因我無換位。途中佢問一個人巴士會唔會經過Pacific Heights，我無聽到對方回答，但我林佢有點頭，因為少女之後話"Oh Okay"。再過咗一陣，佢又突然問一個女人佢個手袋係邊度買嘅，個女人聽唔明英文，少女就用廣東話重複。女人話係佢個女買俾佢嘅，少女唔甘心，就問佢個女係邊度買嘅。女人話：「係埠仔」少女依然唔死心：「邊個埠仔」「二埠」。

可惜嘅係，貌似ABC嘅少女唔明邊度係二埠，又唔知二埠究竟係地方名定係店舗名。本來我想插嘴解釋，但原來台山女人知道二埠嘅英文點講。ABC少女同台山女人嘅廣東話對話，最後就由唔識英文一方嘅英文結束。

某日嘅第二日，一個阿伯用英文話俾一個白人年青人聽有位坐。年青人唔想坐，就多謝阿伯嘅好意。阿伯就突然間呢個年青人識唔識講中文，年青人話唔識。阿伯又問佢識唔識廣東話或者普通話，跟住攞咗本書出嚟唔知講咗D咩。年青人想比現一下自己，就講咗句「你好嗎」，又問阿伯係咪識講廣東話。阿伯見難得有人問，就話佢廣東話同普通話都識，又見年青人中文咁有潛質，就話俾佢聽「你好嗎」嘅普通話係點講。佢有佢教普通話，年青人知道係Chinatown行，始終係要睇廣東話嘅面色，所以佢有講咗唔可以唔識嘅「幾多錢」。阿伯嘅英文同年青人嘅廣東話對話，最後就由無出聲嘅我落車而結束。