http://www.singtaousa.com/031509/us01.php:

在校方的嘗試下，海爾頓的移民生考試成績並不比本土生差。有支持現行政策的老師 說，移民生如要日後在社會上成功，能依靠的只有學歷。但副校長威勒則不無遺憾地 說，此舉等於剝奪了移民生融入主流社會的機會，如果10年後看看這些學生從事甚 麼行業的話，答案恐怕會令老師失望。

師生之間也擔心，校方這種新式「隔離」政策，既無助消除社會上以及校內對非法移 民的抗拒心理，同時也令不少憧憬美國式生活的移民生沮喪。來自危地馬拉的19歲 女生雷蒙多說，雖然自己努力下每科成績都拿到A，但根本談不上融入主流社會，如 果到頭來仍是靠替人打掃房屋維生的話，讀書還有甚麼用？

其實，融唔融入主流社會同從事咩行業有咩關係？當年我學校並無好似文中所講嘅咁極端嘅隔離政策，但我依家嘅生活算美國式嘅生活？我覺得唔係好算。但我嘅工作會唔會令以前嘅老師失望？絶對唔會。

當然，我認同文中所講，學校一般無足夠地協助移民適應美國嘅生活，就算只係校內，都好少會有本地人同新移民共同喺同一個圈子之內。當然，呢個現像同種族歧視唔一定有關聯，只係大家都唔會有咩共同嘅話題。無奈嘅係，即使無主動咁隔離兩班人，被動咁等佢哋自動走埋一齊並唔係一個好辦法。

其實，如果要喺主動隔離同被動咁由得啲學生「自生自滅」，我都有少少希望當年我學校有多一啲主動嘅行動。至少，或者我就唔會總有啲兩頭唔到岸嘅感覺。

或者值得一提嘅係，「融」同「隔」相差嘅其實只係部首…